Cours de Flamand

Vontje (in neur kamer):

Wiense schoen zyn dat?
Zyn 't de joune of de myne?

Manse:

Wuffere schoen? Die zwarte daer?

Vontje:

Neen, die witte daer ounder 't bedde.

Manse:

De zwarte zyn de myne en de witte zyn de joune. Zyt je blend?

Vontje:

En wiense boek is dat? Is 't 'n mynen of 'n jounen?

Toontje:

't en is 'n julderen niet. D' juldere zyn groene.

Mongtje:

't is waer. D'uuze zyn blauw.
Dus, 't is voorzekers 'n mynen of 'n jounen.

Vontje:

En die witte schorte? Is 't de myne of de joune, Manse?

Manse:

't is voorzekers de joune. Ze is vuul.
De myne zyn assan proper.

'T is nieuwjaer dag en aal de joungens zyn round 'n tafel mit nuldere oudders.
'T zyn vuuf groote doozen op 'n tafel.
De groote witte dooze is voor Marietje en Guusje en de vier kleene zyn voor nuldere joungens.
De zwarte dooze is voor Vontje en de blauwe is voor Manse.
De twee andere doozen zyn voor de knechtejoungens.
De gilve voor Mongtje en de groene voor Toontje.

1 - Waer zyn de Vandaelen?
2 - Zyn de joungens aleene of mit nuldere maets?
3 - Hoevele doozen zyn 't der op 'n tafel?
4 - Is 't der een dooze voor Marietje en Guusje?
5 - Wuffer koleur is nuldere dooze? (d'uldere is...)
6 - Is 't der een dooze voor Mongtje?
7 - Wuffer koleur is ze dooze? (de zyne is...)
8 - Is 't der een dooze voor Vontje?
9 - Wuffer koleur is d'eure?

Quoted from:Jean-Louis Marteel, Cours de Flamand, Het Vlaams dan men oudders klappen (Bray-Dunes), Méthode d'apprentissage du dialecte des Flamands de France (Westhoek), Miroirs Editions, Het Reuzekoor, Dunkerque, 1992, 448 pp., ISBN 2-84003-005-5, p. 144-145