| Ièèn, twièè,
drieë, viere, vuuvve, zesse, zeevne, achte, neegne, tiene, elve, twoolve, dertiene, vièèrtiene, viftiene/vichtiene, zestiene, zeev'ntiene, achttiene, neeg'ntiene, twientig, dertig, vièèrtig, viftig/vichtig, Tjestig, Tjeev'ntig, Tach'ntig, Tneeg'ntig, Oenderd, Duust. Duust ... 'k slao up joen gat dat buust..! (quoted from p. 29, "Cijfers en getallen." |
||
| Me gieng'n een vrandrienge
doen an uus'uus en meen shanse get. Mienne kooz'n is metsnoare en je wilde
dadde wel achtr'eure doen..! Da gienk nogool ne klets schill'n in de pries,
van den dag van vandaoge witje nie mièèr met hoeveele daj 't
ofstooft oj entwodde lat doen..! (quoted from p. 37, "Achtr'eure.") |
||
| (Moeder tot zoon) Ge moe
nu ne kièè kiekk'n noa dien taofle ..! 't Is ool kaffee neev'nst
joen zatte. Gee weere gebrield nièè ... nen brielpot daj gie
zyt ..!" (en tot de dochter) "En gie ..!" Ge moe'gie dao nie zitt'n gidder'n .. van ge zie wok zuk'een brielkoente ..! Kiekt maor ekièè an joen voet'n ... 't is ool bruuslienge up de groend ... 't ligt teetne voir een gièèl nest kiek'ns ..!" (quoted from p. 51-52, "Briel'n") |
||
| De zundagaov'nd waor'n d'r
een bende joenk'eid'n in ne stammenee an't zottebolne. Oolmennekièè
zegt de bazinne ozzoi: "Gao me ekièè e'spel spleel'n ... 'om
ter leegst'? Die leegst is mag g'ièèl de godsch'n aov'nd voi-niet'n
drienk'n ..!" Ze koett'n d'r bitje van ze kwaom'n oovrièèn
dat de bazinne gienk zjuureer'n. Zoi gezeid, zoi gedaon ... en 't spel begoste
... Den ièèn gaptje daj 't gat van ziennen broek zag deur
ze keelegat ... Nen ander'n oenk slunselop oovre z'ne stoel lik nen natt'n
dwil en 't loag'n d'r een toeveel wiesterkapièèle up de groend!
Mao ... Pol die boezjeerde niet. Je blièèf dao staokestief,
pielleboetrechte staon ... Zegt de bazinne: "Ewwêi Pol ..? Doej gie
nie'mee misschien ..?" "Toettoet ... baktoeë ..!" zei Pol ... "Mao 'k
ben te leeg voi mie te loat'n voolne!" ... en Pol woen ..! (quoted from p. 86, "Kluchtje") |
|
|
Samples in Roeselare dialect, quoted
from Jerome Clinckemaillie, Ool koett'n en ool doen, 2de editie, Het
dialect van Midden-West-Vlaanderen, 1996, Aartrijke, Uitgeverij Emiel Decock,
D/1996/5731/1, ISBN 90-5364-028-2, 206 pp. |